BÓKARUMFJÖLLUN – HESTAR – PÉTUR BEHRENS

Nýlega uppgötvaði ég bókina Hestar eftir Pétur Behrens, sem kom út árið 2016.
Ég hafði mjög gaman af því að fletta bókinni, blaðsíðu fyrir blaðsíðu og virða fyrir mér myndir listamannsins af hestum og íslensku landslagi, við ýmsar veðurfars- og umhverfisaðstæður. Sumar myndirnar eru í fallegum litríkum, skærum litum og aðrar eru í dapurlegum svarthvítum litum.

Auk þess finnst mér efni bókarinnar passa mjög vel inn í grunnhugmynd HestaSögu, því Pétur sýnir á mjög grípandi hátt með myndunum sínum hversu einstakur íslenski hesturinn er.

Höfundur bókarinnar, Pétur Behrens, er ekki aðeins listamaður heldur einnig hestamaður í húð og hár og það skynjar maður sterkt í gegnum myndirnar hans.

Pétur kynntist íslenska hestinum á unglingsárum sínum í Þýskalandi. Hann var ennþá í listnámi, þegar hann fór í sína fyrstu heimsókn til Íslands. Nokkrum árum síðar fluttist hann alfarið til Íslands og gerðist tamningarmaður og hrossaræktandi.

Í kiljutexta bókarinnar má lesa að hestar hafa alltaf heillað Pétur sem myndefni. Eins og sjá má í fjölmörgum verka hans hefur dagleg samvera með hestum veitt honum sterka innsýn og djúpan skilning á sálarlíf og atferli hrossa.

Myndirnar hans bera einnig vitni um djúpan skilning á líffæra- og hreyfingarfræði hrossa, sem aðeins sá einn getur sem hefur stúderað og upplifað hesta dagsdaglega.

Pétur Behrens sýnir okkur íslenska hestinn í mismunandi umhverfi og við mismunandi aðstæður. Hann sýnir okkur tengsl hesta við hvorn annan og samband þeirra við manninn. Einnig eru hestar í fornbókmenntum viðfangsefni hans.

Með litavali hans verður bæði landslag og veðurfar ljóslifandi.

Hver einasta mynd segir sína sögu, en fyrir þá sem vilja vita meira um myndirnar er stuttur texti á íslensku, þýsku og ensku.

Það er ánægjulegt að fletta í gegnum þessa bók. Margar af myndunum snertu mig, því það er eins og sál dýranna ljómi í gegnum myndirnar hans Péturs.