Á mikilli hraðferð yfirgefur Askasleikir fjöllin og heldur niður fjallið. Hann er mikið as á honum, því hann vill vera á undan bróður sínum inn í eldhús heimilanna og stelast í pottana.
Síðan að Íslendingar hættu að borða mat úr öskum hefur verið ansi erfitt hjá honum. Bræður hans Þvörusleikir og Pottaskefill eru nefnilega líka fjótir að sölsa undir sig leifar af matardiskum sem verða á þeirra vegi.
Það er því ekki um auðugan garð að gresja fyrir Askasleiki og ástæðan fyrir því að hann er alltaf á hraðferð að reyna að vera á undan bræðrum sínum.
Þegar Askasleikir sér hvað Pottaskefill þeysist á gæðingnum Geysi í burtu var honum strax ljóst að hann myndi ekki vinna kapphlaupið í ár. Samt ákvað hann að láta reyna á það og tekst að ná hestinum Snarfara sem eins og nafnið ber með sér, er alveg einstaklega fljótur í förum og sá næst fljótasti í stóðinu.
Þegar þeir ná heim að bænum finnur greyið ekki neitt nema hreina diska, hnífapör og potta. Hann stekkur nú frá bæ til bæjar í þeirri vona að finna einhverja afganga, en það er eitthvað ósköp lítið sem fellur í hans hlut.
Þar sem Askasleikir er ekki matvandur borðara hann alla afganga sem hann finnur og sleikir skálarnar þar til þær glansa að innan.
GOTT RÁÐ
Sá sem vill komast hjá því að fá Askasleiki inn í eldhús til sín, getur reynt að setja disk með smurbrauði (helst með sultu) út í glugga.
Ef liggur vel á honum skilur hann eftir litla gjöf í staðinn.
